کوئٹہ گلیڈی ایٹرز نے کورونا وائرس ٹیسٹ مثبت آنے پر آسٹریلوی کرکٹر فواد احمد کے لیے نیک خواہشات کا اظہار کیا ہے۔
سوشل میڈیا پر ایک پیغام میں کوئٹہ گلیڈی ایٹرز انتظامیہ نے کہا ہے کہ وہ فواد احمد کی جلد صحتب یابی کے لیے دعاگو ہیں۔
واضح رہے کہ اسلام آباد یونائیٹڈ کا حصہ بننے والے فواد احمد اس سے قبل کوئٹہ گلیڈی ایٹرز کا ہی حصہ تھے۔
خیال رہے کہ فواد احمد کا کورونا وائرس ٹیسٹ مثبت آیا تھا، جس کے بعد اسلام آباد یونائیٹڈ اور کوئٹہ گلیڈی ایٹرز کے درمیان میچ ایک روز کے لیے ملتوی کردیا گیا۔