امریکی محکمہ خارجہ نے کہا ہے کہ مقبوضہ کشمیرمیں ہونے والی پیش رفت پر گہری نظر ہے۔ کشمیر سے متعلق امریکی پالیسی میں تبدیلی نہیں آئی۔
امریکی محکمہ خارجہ کے بیان کے مطابق امریکا کے بھارت اور پاکستان دونوں کے ساتھ اہم تعلقات ہیں۔ کشمیر سمیت دیگر امور پر پاک بھارت براہ راست مذاکرات کی حمایت کرتے ہیں۔
محکمہ خارجہ کا کہنا ہے کہ مشترکہ مفادات کےحصول کے لیے پاکستانی حکام سے تعاون جاری رہے گا، پاکستان اور بھارت سے لائن آف کنٹرول پر کشیدگی میں کمی کا مطالبہ کیا ہے۔ کشمیر میں سیاسی اور معاشی حالات کو بحال ہونا چاہیے۔