ضلع خیبر میں شہید ایڈیشنل ایس ایچ او نیاز محمد آفریدی کی نماز جنازہ اور تدفین کر دی گئی۔
شہید ایس ایچ او نیاز محمد آفریدی کی نماز جنازہ خیبر پولیس لائن میں ادا کی گئی، نماز جنازہ میں سی سی پی او پشاور احسن عباس سمیت پولیس حکام نے شرکت کی۔
سیکٹر کمانڈ بریگیڈئیر شوکت رانا، ارکان اسمبلی اور علاقہ عمائدین بھی نمازجنازہ میں شریک تھے۔
پولیس کے چاق و چوبند دستے نے شہید کو آخری سلامی پیش کی جس کے بعد شہید کی جمرود آبائی قبرستان میں تدفین کردی گئی۔
گزشتہ روز منشیات اسمگلروں اور پولیس کے درمیان فائرنگ کے تبادلے میں ایڈیشنل ایس ایچ او نیاز محمد شہید اور دو پولیس اہلکار زخمی ہوگئے تھے ۔