پاکستان تحریک انصاف کے رکن پنجاب اسمبلی عبدالحئی دستی کا کہنا ہے کہ تحریک انصاف کو ایک سازش کے تحت تباہ کیا جارہا ہے۔
جیو نیوز کے پروگرام ’آج شاہ زیب خانزادہ کے ساتھ‘ میں گفتگو کرتے ہوئے عبد الحئی دستی نے کہا کہ نئے لوگ پارٹی میں آکر تحریک انصاف کی بربادی کا سبب بن رہے ہیں۔
پی ٹی آئی رہنما نے نے کہا کہ ہم وزیر اعظم کو پارٹی کے خلاف سازشوں سے آگاہ کرنا چاہتے ہیں۔
رکن پنجاب اسمبلی کا کہنا تھا کہ اب جو ہوگا اوپن ہوگا، ہم وزیراعظم کو ملاقات کی درخواست دیں گے۔