پاکستان شوبز انڈسٹری کی سینئر اداکارہ بشریٰ انصاری کورونا وائرس کے دور میں پڑوسی ملک بھارت کے اسپتال کی ناقص صورتحال دیکھ کر پریشان ہوگئیں۔
بشریٰ انصاری نے اپنے تصدیق شدہ انسٹاگرام اکاؤنٹ پر بھارت کے اسپتال کی ایک تصویر شیئر کی جس میں کورونا وائرس کے دو مریض ایک ہی سنگل بیڈ پر زیرِعلاج ہیں۔
تصویر پر انگریزی میں درج تھا کہ کورونا وائرس کی وجہ سے بھارت بہت خراب صورتحال حال سے گُزر رہا ہے۔
اس کے ساتھ ہی تصویر پر کورونا وائرس سے بچاؤ کے لیے ماسک پہنے، سماجی فاصلہ برقرار رکھنے اور ہاتھ سینیٹائز کرنے کی ہدایت بھی کی گئی۔
بشریٰ انصاری نے تصویر شیئر کرتے ہوئے کیپشن میں لکھا کہ ’اللّہ خیر کرے۔‘
اداکارہ کی پوسٹ دیکھنے کے بعد اندازہ ہوگیا ہے کہ وہ بھی کورونا وائرس کی وجہ سے پیدا ہونے والی صورتحال دیکھ کر کافی پریشان ہیں۔
واضح رہے کہ بھارت میں اب تک ایک کروڑ 43 لاکھ سے زائد افراد کورونا وائرس میں مبتلا ہو چکے ہیں۔
دوسری جانب بھارت کے شہر نئی دلی میں دو روز قبل کورونا وائرس کے 16ہزار 699 نئے کیسز رپورٹ ہوئے جبکہ اس وائرس سے 112اموات ہوئیں۔