بشریٰ انصاری کی بہن سنبل شاہد بھی کورونا میں مبتلا

پاکستان شوبز انڈسٹری کی سینئر اداکار بشریٰ انصاری کی بہن و اداکارہ سنبل شاہد بھی عالمی وبا کورونا وائرس کا شکار ہوگئیں۔

بشریٰ انصاری نے اپنی بہن سنبل شاہد کی صحت سے متعلق اہم اطلاع دینے کے لیے سوشل میڈیا کا رُخ کیا۔

اُنہوں نے اپنے تصدیق شدہ انسٹاگرام اکاؤنٹ پر اداکارہ سنبل شاہد کی تصویر شیئر کرتے ہوئے بتایا کہ ’ان دنوں، اُن کی بہن عالمی وبا کورونا وائرس سے جنگ لڑ رہی ہیں۔‘

بشریٰ انصاری نے مداحوں سے دُعاؤں کی اپیل کرتے ہوئے لکھا کہ ’براہِ کرم! میری بہن کی جلد صحتیابی کے لیے دُعا کریں۔‘

اداکارہ نے مزید لکھا کہ ’چار چاند سلامت رہیں آمین۔‘

بشریٰ انصاری نے بھی کورونا ویکسین لگوالی

پاکستان شوبز انڈسٹری کی سینئر اداکارہ بشریٰ انصاری نے عالمی وبا کورونا وائرس سے محفوظ رہنے کے لیے ویکسین لگوالی۔

واضح رہے کہ بشریٰ انصاری کی طرح اُن کی بہن سنبل شاہد بھی کئی نامور ڈراموں میں اپنی اداکاری کے جوہر دِکھا چکی ہیں۔

سنبل شاہد کے علاوہ بھی پاکستان شوبز انڈسٹری کے کئی فنکار کورونا وائرس کا شکار ہوچکے ہیں۔

آمنہ الیاس کا کورونا ٹیسٹ مثبت آگیا

پاکستان شوبز انڈسٹری کی معروف اداکارہ و ماڈل آمنہ الیاس کا بھی کورونا وائرس ٹیسٹ مثبت آگیا۔

کورونا وائرس کا شکار ہونے والے فنکاروں میں آمنہ الیاس، بہروز سبزواری، اداکارہ روبینہ اشرف، گلوکار جواد احمد، عثمان مختار، ندا یاسر، ماڈل علیزے گبول، صحیفہ جبار، امیر گیلانی، مریم نفیس اور واسع چوہدری سمیت دیگر بھی شامل ہیں۔

کورونا وائرس کے شکار بہروز سبزواری اسپتال سے ڈسچارج

حال ہی میں کورونا وائرس کی دوسری لہر کا شکار ہونے والے شوبز انڈسٹری کے سینئر اداکار بہروز سبزواری اسپتال سے ڈسچارج ہوگئے ہیں جس کی اطلاع اُن کے صاحبزادے شہروز سبزواری نے سوشل میڈیا کے ذریعے دی ہے۔

دوسری جانب کئی پاکستانی فنکار کورونا ویکسین بھی لگوا چکے ہیں جن میں بشریٰ انصاری، ثمینہ پیرزادہ، ارمینا خان، عفت عُمر اور ریما خان شامل ہیں۔