کریتی سینن نے اعتراف کیا ہے کہ بھارت میں کورونا وائرس کے باعث لگائے گئے لاک ڈاؤن کی وجہ سے ان کے اندر موجود جنون اور جوش نکل کر سامنے آگیا ہے۔
غیر ملکی میڈیا رپورٹس کے مطابق کریتی نے اپنے حالیہ انٹرویو میں انھوں نے اپنے لاک ڈاؤن تجربے پر بات کی۔
بالی ووڈ اسٹار کا کہنا تھا کہ ’میں نے پچھلے ایک سال کے اندر جب کہ ہم گھر پر ہیں اور اس وبا کے باعث کام نہیں کر پارہے ہیں، اس بات کا اندازہ لگایا کہ مجھے سیٹ پر پہنچنے کا کتنا جوش اور جنون ہے۔
انھوں نے مزید کہا یہ سب مجھے خوش رکھتا ہے، کیمرے کے سامنے رہنا مجھے زندہ رکھتا ہے اور حقیقی معنوں میں میں سب کچھ بھول جاتی ہوں۔
کریتی کا کہنا تھا کہ اکثر ان کے والدین بھی ان سے شکایت کرتے ہیں کہ وہ انھیں وقت نہیں دیتیں۔