پاکستان کی ابھرتی اداکارہ ایمن سلیم کو انٹرنیٹ صارفین کی جانب سے بھارتی معروف ہیروئین انوشکا شرما کی مشابہہ قرار دے دیا گیا ہے۔
اداکارہ ایمن سلیم آج کل اپنی دلچسپ اور جاندار اداکاری کے سبب ہر جگہ چھائی ہوئی ہیں۔
ایمن سلیم کے نجی چینل پر مشہور ہوتے ڈرامے اور وائرل ہوتی فوٹوز کو دیکھتے ہوئے انٹر نیٹ صارفین کی جانب سے اُنہیں بھارتی اداکارہ انوشکا شرما کے مشابہہ قرار دیا جا رہا ہے۔
پاکستان شوبز انڈسٹری سے متعلق سوشل میڈیا پر پوسٹنگ کرنے والے سوشل پیجز پر ایمن سلیم اور انوشکا شرما کا خوب موازنہ کیا جا رہا ہے۔
ان تصویروں پر انٹنیٹ صارفین کی جانب سے بھی خوب کمنٹس کیے جا رہے ہیں جن میں کچھ کا کہنا ہے کہ ایمن سلیم انوشکا شرما سے کئی گنا زیادہ پیاری ہیں جبکہ کچھ صارفین کا کہنا ہے کہ ایمن سلیم کے بجائے اداکارہ رمشا انوشکا شرما میں زیادہ ملتی ہیں۔