پنجاب کے وزیرِ اعلیٰ سردار عثمان بزدار کی معاونِ خصوصی ڈاکٹر فردوس عاشق اعوان کا کہنا ہے کہ دہائیوں سے سندھ کے عوام پر مسلط پیپلز پارٹی ذاتی حملوں کی بجائے عوامی خدمت پر توجہ دے۔
یہ بات پنجاب کے وزیرِ اعلیٰ سردار عثمان بزدار کی معاونِ خصوصی ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر جاری کیئے گئے ایک بیان میں کہی ہے۔
ان کا حزبِ اختلاف پر طنز کرتے ہوئے کہنا ہے کہ اپوزیشن حقیقی تعمیر و ترقی سے نجانے کیوں خائف ہے؟
فردوس عاشق اعوان نے کہا کہ عثمان بزدار کی قیادت میں پنجاب میں کئی منصوبے کامیابی سے مکمل ہو چکے ہیں۔
انہوں نے مزید کہا کہ وزیرِاعلیٰ پنجاب سردار عثمان بزدار کی سرپرستی میں بے شمار منصوبوں پر کام جاری ہے۔
پنجاب کے وزیرِ اعلیٰ سردار عثمان بزدار کی معاونِ خصوصی کا یہ بھی کہنا ہے کہ ان منصوبوں کی تکمیل سے صوبے اور پسماندہ علاقوں میں بہتری آئے گی۔