پاکستان پیپلز پارٹی کے چیئرمین بلاول بھٹو زرداری نے کہا ہے کہ کلبھوشن کو این آراو دینا ہی تھا تو آرڈیننس سے کیسے دیا؟۔
قومی اسمبلی میں اظہار خیال کرتے ہوئے بلاول بھٹو نے کہا کہ آپ نے رات کے اندھیرے میں ایک آرڈیننس نکالا، آپ تو خود کلبھوشن کے وکیل نکلے۔
بلاول بھٹو نے کہا کہ آپ دو دن تو دیتے، اس ایوان کو سمجھاتے کہ یہ آرڈیننس ضروری ہے۔
بلاول بولے کہ آپ پر تنقید نہیں بلکہ اپیل کررہا ہوں کہ اپنی ذمہ داری ادا کریں تاکہ ہم عوام کے مسائل حل کرسکیں۔