وزیر توانائی سندھ امتیاز شیخ نے ملک بھر میں جاری بجلی کے شارٹ فال پر ردعمل کا اظہار کیا ہے۔
ایک بیان میں امتیاز شیخ نے ملک بھر میں بجلی کے شارٹ فال کو وفاقی حکومت کی ناکامی قرار دیا۔
انہوں نے کہا کہ ملک بھر میں بجلی کی اعلانیہ اور غیر اعلانیہ لوڈشیڈنگ نے عوام کی زندگی اجیرن کردی ہے۔
صوبائی وزیر نے مزید کہاکہ نااہلی کا ملبہ ماضی کی حکومتوں پر ڈال کر بری الذمہ نہیں ہوسکتے۔
اُن کا کہنا تھا کہ لوڈ شیڈنگ کی بنیادی وجہ پاور سیکٹر کو آر ایل این جی کی کمی ہے، وقت پر آر ایل این جی نہ منگوانے کی وجہ سے بجلی کا شارٹ فال ہے۔