ریاض (اے پی پی) سعودی وزارت حج و عمرہ نے کہا ہے کہ نیا عمرہ موسم آج بروز اتوار 25جولائی سے شروع ہو رہا ہے اجازت نامے آج سے جاری ہوں گے ۔
سعودی نائب وزیر حج وعمرہ ڈاکٹر عبدالفتاح مشاط نے میڈیا سے گفتگو کرتے ہوئے کہا کہ آج سے اعتمرنا ایپ کے ذریعے عمرے کے لیے اجازت نامے جاری کیے جائیں گے اور یومیہ 20ہزار عمرہ زائرین کو اجازت نامے جاری کیے جائیں گے ۔
انہوں نے کہا کہ وزارت حج و عمرہ اور سعودی ایئرلائن مشترکہ پروگرام چلائیں گے۔
اس کے تحت اعتمرنا ایپ اور السعودیہ کے ذریعے عمرہ اجازت نامے حاصل کیے جاسکیں گے۔
انہوں نے کہا کہ اس سلسلے میں تفصیلات سے جلد آگاہ کیا جائے گا۔