پنجاب پولیس کی جانب سے عالمی وبا کورونا وائرس کی چوتھی لہر اور مثبت کیسز کی بڑھتی تعداد کے نتیجے میں حکومتی گائیڈلائنز پر سختی سے عمل درآمد کرانے کا فیصلہ کیا گیا ہے۔
ڈی آئی جی آپریشنز لاہور ساجد کیانی کے مطابق کورونا وائرس کی چوتھی لہر کے تناظر میں حکومتی گائیڈلائنز پر من وعن عمل کرایاجائے گا۔
انہون نے کہا کہ مخصوص اوقات کے بعد حکومت کی جانب سے مستثنیٰ کاروبار اور دکانیں ہی کھولنےکی اجازت ہوگی۔
ساجدکیانی نے اپنے بیان میں کہا ہے کہ تاجر برادری حکومتی گائیڈلائنز پر عمل کرے، کاروباری اوقات کار کی خلاف ورزی پر قانونی کارروائی کی جائے گی۔