قومی کرکٹ ٹیم کے بیٹسمین فواد عالم نے شاندار سنچری پر شاہد آفریدی کی حوصلہ افزائی اور تعریفی ٹوئٹ پر ان کا شکریہ ادا کردیا۔
شاہد آفریدی نے گزشتہ روز فواد عالم کی سنچری پر انہیں مبارکباد دیتے ہوئے کہا تھا کہ صبر اور تحمل مزاجی کا سفر فواد عالم نے خوب طے کیا، فواد نے ہمیشہ اپنے بلّے سے ناقدین کے منہ بند کروائے۔
جواب میں فواد عالم نے شاہد آفریدی کا شکریہ ادا کرتے ہوئے کہا کہ ’آپ کی حوصلہ افزائی اور تعریف کا بہت شکریہ شاہد بھائی۔‘
فواد عالم نے یہ بھی کہا کہ یہ آپ ہی ہیں جنہوں نے ہمارے لیے ایک ہدف رکھ دیا ہے، حوصلہ افزائی کیلئے ہمیشہ آپ کا ساتھ درکار ہوگا۔