وزیرِ اعلیٰ بلوچستان جام کمال خان نے عدم اعتماد کی تحریک کے ردِ عمل میں کہا ہے کہ مجھے عدم اعتماد کی تحریک کی پرواہ نہیں ہے، اگر میری جماعت اور اتحادی میرے ساتھ ہیں تو اپوزیشن سے فرق نہیں پڑتا۔
جام کمال خان نے سماجی رابطے کی ویب سائٹ ٹوئٹر پر تحریکِ عدم اعتماد سے متعلق اپنے بیان میں کہا ہے کہ الحمد لِلّٰہ مجھے عدم اعتماد کی تحریک کی پرواہ نہیں ہے، جس دن میری جماعت اور اتحادیوں کی اکثریت نے عدم اعتماد کیا تو خود چلا جاؤں گا۔
وزیرِ اعلیٰ بلوچستان نے یہ بھی کہا ہے کہ پارٹی اور اتحادیوں کے ساتھ نہ ہونے پر مجھے ایوان کا سربراہ ہونے کا حق نہیں ہو گا۔