پاک فوج کی بین الاقوامی پیسز چیمپئن شپ، مقابلے عروج پر

پاکستان آرمی کی پہلی انٹرنیشنل پیسز چیمپئن شپ میں مقابلے اپنے عروج پر پہنچ گئے،تیسرے روز پاکستان سمیت دیگر ممالک کے آرمی کےجوانوں نے سٹ اپس میں خوب اسٹیمنا اور فٹنس کا مظاہرہ کیا، موسیقی کی دھن پر رقص بھی خوب ہوا۔

اسٹیمنا،فٹنس، طاقت کے بل بوتے پر سٹ اپس لگانے میں نوجوانوں نے مہارت کا مظاہرہ کیا، پیسز چیمپئن شپ کے ایونٹ میں 325 جوان شریک ہوئے، جنہیں آدھے گھنٹے میں زیادہ سے زیادہ سٹ اپس لگانے تھے، مقابلے میں پاکستان کےجوان چھائے رہے۔

ملکی اور غیر ملکی کھلاڑی پیسز چیمپئن شپ کے انعقاد سے خاصے خوش ہیں ،اسٹیمنا اور فٹنس کے مظاہرے کے ساتھ ساتھ نوجوانوں نے موسیقی کی دھنوں پر اپنے اپنے انداز سے رقص کر کے خوب انجوائے کیا۔