بالی وڈ کے مسٹر پرفیکشنسٹ عامر خان کی نئی آنے والی فلم ’’دنگل‘‘ کا ٹریلر جاری کردیا گیا جسے سوشل میڈیا پر بے حد پسند کیا جارہا ہے۔ فلم کا ٹریلر چند گھنٹوں میں ہی یو ٹیوب پر30لاکھ سے زائد افراد دیکھ چکے ہیں۔
عامر خان اپنے کردار میں ڈھل جانے کے حوالے سے شہرت رکھتے ہیں جس کی وجہ سے ان کی فلموں کا بڑی بے صبری سے انتظار کیا جاتاہے جبکہ سلو میاں کی فلم ’سلطان‘ کے بعد مسٹر پرفیکشنسٹ کی فلم کا شدت سے انتظار کیا جارہا ہے لیکن فلم کا ٹریلر اپنی ریلیز کے ساتھ ہی مقبولیت کی انتہا کو پہنچ چکا ہے۔