اسلام آباد چیمبر آف کامرس کے صدر خالد اقبال ملک نے کہا ہے کہ دھرنے کی وجہ سے دیگر شہروں کے کاروباری حضرات نے اسلام آباد سے کاروبار روک دیا ہے، جس سے اربوں روپے کے نقصان کا خدشہ ہے۔
اسلام آباد چیمبر آف کامرس اینڈ انڈسٹری کے وفد نے وزیرمملکت برائے کیڈ ڈاکٹر طارق فضل چوہدری سے ملاقات کی اور آئندہ دھرنے کے حوالے سے اپنے تحفظات کا اظہار کیا۔
صدر اسلام آباد چیمبر خالد اقبال ملک نے کہا کہ دھرنے کے پیغام سے کاروباری نفسیات پرمنفی اثرات مرتب ہوتے ہیں، معاشی سرگرمیاں رکیں تو ہم 10 سال پیچھے چلے جائیں گے۔
طارق فضل چوہدری نے کہا کہ شہر کو کسی صورت بند نہیں ہونے دیں گے، عوام کے جان ومال کا تحفظ حکومت کی ذمہ داری ہے۔
انہوں نے کہا کہ کاروباری حضرات غیرسیاسی لوگ ہیں، سیاست کی وجہ سے ان کا کاروبار متاثر نہیں ہونا چاہیے، شہر کی کاروباری برادری کے مسائل ترجیحی بنیادوں پر حل کریں گے۔
فرمان الہی
نماز کے اوقات
