پاکستان پیپلزپارٹی سندھ کے صدر اور صوبائی وزیرنثار کھوڑو نے کہا ہے کہ فاروق ستار یونٹ کی بات کررہے ہیں، ان کے پاس بات کرنے کو کچھ نہیں۔
انہوں نے حیدرآباد میں پریس کانفرنس کے دوران مزید کہا کہ پارٹی ٹوٹ گئی ہے، قائد چھوٹ گئے ہیں اور سابق میئر ان کی قلعی کھول رہے ہیں۔
نثار کھوڑو نے یہ بھی کہا کہ مردم شماری کے ساتھ انتظا می یونٹ بنانے کا تعلق نہیں، فاروق ستار نے مردم شماری کیلئے پہلے آواز کیوں نہیں اٹھائی۔
ان کا کہنا تھا کہ صوبوں کی بات کرنے والے پہلے بھی ناکام ہوئے ہیں، آئندہ بھی ناکام ہوں گے۔