لاہور ایئر پورٹ کی بیرونی دیوار پھلانگنے کی کوشش کرنے والے 2 افراد کو اے ایس ایف نے گرفتار کر لیا۔
لاہور کے علامہ اقبال انٹرنیشنل ایئرپورٹ کے رن وے کے قریب رہائشی علاقوں کی جانب سے 2 افراد نے دیوار پھلانگنے کی کوشش کی، سیکورٹی کیمروں کی مدد سے دونوں کو دیکھ کر اے ایس ایف کے کوئیک رسپانس سکواڈ نے کارروائی کی اور انہیں پکڑ لیا۔
گرفتار کئے گئے افراد حق نواز اور خلیل الرحمن کا تعلق چترال سے ہے، اے ایس ایف نے مزید کارروائی کے لیے دونوں افراد کو پولیس کے حوالے کردیا۔