دمشق پر حملہ آوروں اور شامی فورسز میں شدید جھڑپیں

شام کے دارالحکومت دمشق کے مشرقی علاقے میں حکومتی فورسز اور باغیوں کے درمیان شدید جھڑپیں جاری ہیں، جس کے دوران بھاری ہتھیاروں کا استعمال کیا جا رہا ہے۔

دمشق کا مشرقی علاقہ گولہ باری ، دھماکوں اور فائرنگ کی آوازوں سے گونج رہا ہے ،تباہ حال عمارتوں سے دھواں اٹھ رہا ہے۔ جوبرکے مضافاتی علاقے میں شامی حکومتی فورسز کی جانب سے باغیوں کے ٹھکانوں پر بمباری میں شدت لائی گئی ہے ۔

گزشتہ روز دہشت گردوں نے کار بم دھماکا بھی کیا تھا، شہر کے مرکزی علاقے میں باغیوں کی جانب سے کئی میزائل بھی داغے گئے۔ دمشق کے مشرقی علاقے میں جاری جنگ میں متعدد شہری زخمی ہوئے ہیں۔