قومی کتاب میلے کی اختتامی تقریب کے دوران گر کر زخمی ہونے والی شاعرہ فرزانہ ناز اسلام آباد کے نجی اسپتال میں دوران علاج وفات پا گئیں۔
راولپنڈی سے تعلق رکھنے والی شاعرہ فرزانہ ناز گزشتہ روز پاک چائنہ سینٹر میں گر کر زخمی ہوگئیں۔
اسپتال ذرائع کے مطابق بلندی سے گرنے کی وجہ سے فرزانہ ناز کے سر پر شدیدچو ٹیں آئی تھیں، مرحومہ کے پسماندگان میں6سالہ بیٹی اور 4سال کا بیٹا ہے۔
شاعرہ فرزانہ ناز کے انتقال پر رنج وغم اور افسوس کا اظہار کرتے ہوئے، وزیراعظم کے مشیر برائے قومی تاریخ وادبی ورثہ عرفان صدیقی نے کہا ہے کہ مرحومہ شاعرہ کے بچوں کی کفالت کےلیے انتظامات کیے جائیں گے۔