صدر ممنون سے اٹلی کے آرمی چیف کی ملاقات

صدر مملکت ممنون حسین سے اٹلی کے آرمی چیف نے ملاقات کی ہے، صدر مملکت کا کہنا ہے کہ پاکستان خطے میں مکمل امن کا خواہشمند ہے۔

صدر مملکت سے اٹلی کے آرمی چیف کی ایوان صدر اسلام آباد میں ملاقات ہوئی، صدر مملکت ممنون حسین نے کہا کہ خطے میں استحکام کے لیے پاکستان عالمی برادری کے مثبت کردار کا خیر مقدم کرے گا۔

انہوں نے مزید کہا کہ انتہا پسندی کے خاتمے کے لیے پاکستان نے تاریخی قربانیاں دی ہیں۔

صدر مملکت نے کہا کہ پاکستان اٹلی کے ساتھ دفاع سمیت تمام شعبوں میں تعاون کو اہمیت دیتا ہے، پاکستان اور اٹلی کے دفاعی شعبے میں اعلیٰ سطح پر تبادلہ خیال دو طرفہ تعلقات کو مزید مضبوط بنانے میں مدد دے گا۔