ترکی میں پولیس نے حکومت مخالف رہنما فتح اللہ گولن کی تحریک سے روابط کے الزام میں اپنے نو ہزار سے زائد اہلکاروں کو معطل کر دیا ہے۔ اس پر رد عمل میں نیٹو نے ترکی پر زور دیا ہے کہ وہ قانون کی حکمرانی کا مکمل احترام کرے۔
غیر ملکی میڈیا کے مطابق سرکردہ ارکان یورپی پارلیمنٹ کا ترکی کے ساتھ یورپی رکنیت سے متعلق مذاکرات معطل کرنے کا مطالبہ کیا ہے۔ اُن کا کہنا ہے کہ یورپی یونین میں رکنیت کے بجائے ترکی کو بہتر تجارتی روابط اور کسٹمز یونین کی پیشکش کی جائے۔
اس سے قبل ترک حکام نے تازہ ترین آپریشن میں فتح اللہ گولن کے ایک ہزار سے زائد مبینہ حامیوں کو گرفتار کیا اور 3 ہزار سے زائد افراد کے وارنٹ گرفتاری جاری کیے۔ ترکی کی حکومت کا کہنا ہے کہ اس نے یہ اقدام قومی سلامتی کے تناظر میں کیا ہے۔
فرمان الہی
نماز کے اوقات
