میانمار میں ہزاروں شہریوں کی جانب سے امن ریلی نکالی گئی

میانمار کی ریاست راکھین میں امن کے قیام کے لئے ہزاروں شہریوں نے بین المذہبی ہم آہنگی کے حق میں ریلی نکالی۔

عرب ٹی وی کے مطابق میانمار کے سب سے بڑے شہر ینگون میں نکالی جانے والی امن ریلی میں مختلف مذاہب ماننے والے دس ہزار سے زائد شہریوں نے ینگون فٹبال اسٹیڈیم میں جمع ہوکر بین المذاہب ہم آہنگی کے حق میں نعرے بازی کی۔

ریلی میں بدھ مت کے پیروکاروں سمیت مسیحی، ہندو اور مسلم شہری بھی شامل تھے۔ میانمار کی ریاست راکھین میں روہنگیا مسلم اقلیت کے خلاف پرتشدد واقعات کے باعث کافی زیادہ نسلی کشیدگی پائی جاتی ہے۔