سعودی عرب کے ولی عہد شہزادہ محمد بن سلمان نے اپنے ذاتی جیب سے حائل کے علاقے میں فلاحی شعبے میں سرگرم تنظیموں کو پچاس لاکھ ریال کی رقم عطیہ کی۔
بن سلمان کی طرف سے عطیہ کی گئی رقم حائل کی تین فلاحی تنظیموں کے ذریعے علاقے کے 4 ہزار 152 افراد تک پہنچائی جائے گی۔ خیال رہے کہ ولی عہد کی جانب سے ان دنوں ملکت کے 6 علاقوں میں مجموعی طور پر 1کروڑ 80 لاکھ ریال امدادی رقوم جاری کی گئیں۔
الریاض کے علاقے کے لیے 2کروڑ 30 لاکھ ریال جاری کیے گئے جس سے 11 ہزار 680 شہری مستفید ہوں گے۔ یہ رقوم 14 تنظیموں کے ذریعے تقسیم کی جائے گی۔
مکہ مکرمہ میں 1 کروڑ 10 لاکھ ریال کی رقم سے 10 فلاحی اداروں کے ذریعے 14 ہزار 914 افراد کی کفالت کی جائے گی۔ مشرقی علاقوں کے لیے ولی عہد کے سپورٹ پروگرام کے تحت 1کروڑ 60 لاکھ ریال کی رقم جاری کی گئی۔ یہ رقم 10 تنظیموں کے توسط سے 41 ہزار ضرورت مندوں تک پہنچائی جائے گی۔