قوم کا مطالبہ ہے پاناما اسکینڈل میں تمام افراد کا احتساب ہو،سراج الحق

امیر جماعت اسلامی سراج الحق نے کہا ہے کہ قوم کا مطالبہ ہے کہ پانامااسکینڈل میں شامل تمام افراد کا احتساب ہو، اس کے بغیر ملک ٹھیک نہیں ہوسکتا۔

سپریم کورٹ کے باہر میڈیا سے گفتگو میں سراج الحق کا کہنا تھا کہ بلاتفریق سب کا احتساب ہونا چاہیے،کسی سےامتیازی سلوک نہیں ہوناچاہیے، احتساب کے بغیر ملک ٹھیک نہیں ہوسکتا۔

واضح رہے کہ سپریم کورٹ آف پاکستان پاناماپیپرز میں سامنے آنے والے چار سو سے زائد افراد سے تحقیقات کے لیے کمیشن کے قیام سے متعلق آئینی درخواستوں کی سماعت آج کرے گی ۔

جماعت اسلامی کے امیر سراج الحق اور طارق اسد ایڈووکیٹ نے پاناما پیپرز میں سامنے آنے والے چار سو سے زائد پاکستانوں سے تحقیقات کے لیے کمیشن کے قیام کے لیے درخواستیں داخل کر رکھی ہیں۔