مقبوضہ کشمیر میں بھارتی فورسز کی فائرنگ سے شہید ہونے والے کشمیری نوجوان کی نماز جنازہ میں ہزاروں افراد نے شرکت کی ، پاکستان کا پرچم لہراتے ہوئے شرکا آزادی کے نعرے بھی لگاتے رہے۔
کشمیری نوجوان کی میت کو پاکستانی پرچم میں لپیٹا گیا، جنازے میں شریک ہزاروں افراد بھارت مخالف اور پاکستان کے حق میں نعرے لگاتے رہے، نوجوانوں کی شہادت پر ضلع کلگام میں مکمل ہڑتال کی گئی۔
بھارتی فوج نے گذشتہ رات ریاستی دہشتگردی کے دوران ایک گھر کو دھماکے سے اڑا کر گھر میں موجود تین کشمیری نوجوانوں کو شہید کر دیا تھا۔
علاقہ مکینوں کے احتجاج پر قابض فورسز کی فائرنگ اور پیلٹ گنوں سے متعدد کشمیری زخمی ہوئے، علاقے میں انٹرنیٹ سروس معطل اور ٹرین سروس روک دی گئی ہے۔