بیمارمعیشت کی بحالی حکومت کاکارنامہ ہے،شہبازشریف

وزیراعلیٰ پنجاب شہبازشریف نے کہا ہے کہ ورثے میں ملنے والی بیمارمعیشت کی بحالی حکومت کاکارنامہ ہے ،ملک سے اندھیروں کا مٹ جانا بھی ن لیگ کی جدوجہد کا ثمر ہے ۔

لاہور سے جاری ایک بیان میں وزیراعلیٰ شہبازشریف نے کہا ہے کہ عوامی فلاح و بہبود کے مشن کو تیزی سے آگے بڑھا رہے ہیں وسائل قوم کی امانت ہیں جوعوامی فلاح پرصرف کئے جا رہے ہیں اورآئندہ انتخابات میں بھی خدمت کی سیاست ہی کامیاب ہوگی ۔

ان کا کہنا ہے کہ ہماری اولین ترجیح صرف ملکی ترقی اور عوام کی خوشحالی ہے خدمت کی بدولت ہی عوام نے مسلم لیگ ن کو پذیرائی بخشی ہے جو ہمارے لئے سب سے بڑا اعزاز ہے ۔