سنگاپور میں جاری اوشنیا پیسیفک پاور لفٹنگ چیمپئن شپ میں پاکستان کی سنیعہ غفور نے چار گولڈ میڈل جیت لیے ۔
پاکستان کی سنعیہ غفور نے یہ تمام طلائی تمغے 57 کے جی کلاس میں جیتے ، اُنہوں نے اسکواٹ بینچ پریس، ڈیڈ لفٹ اور مجموعی وزن میں گولڈ میڈل حاصل کیے۔
سنیعہ نے مجموعی طور پر 280 کلو گرام وزن اُٹھایا،انھوں نے اسکواٹ میں 115 ، بینچ پریس میں 55 اور ڈیڈ لفٹ میں 110 کے جی وزن اٹھایا۔
ایونٹ میں پاکستان کی چار خواتین اور تین مرد پاور لفٹرز شریک ہیں، ایونٹ میں پاکستان کی ٹوئنکل سہیل بھی آج ایکشن میں ہوں گی۔