وفاقی وزیربرائے مواصلات حافظ عبدالکریم نے این ایچ اے کراچی آفس کا دورہ کیا اس موقع پر انہیں بتایا گیا کہ لیاری ایکسپریس وے کا افتتاح 23 سے 25 دسمبر کے درمیان ہوگا۔
وفاقی وزیربرائے مواصلات حافظ عبدالکریم نے ایم نائن اور لیاری ایکسپریس وے کی تکمیل سے متعلق اجلاس کی صدارت کی۔
اس موقع پر انہیں لیاری ایکسپریس وے اور ایم نائن کی تکمیل سے متعلق بریفنگ دی گئی اور بتایا گیا کہ لیاری ایکسپریس وے کا افتتاح 23 سے 25 دسمبر کے درمیان ہوگا۔
بریفنگ میں انہیں یہ بھی بتایا گیا کہ لیاری ایکسپریس وے کا افتتاح متوقع طور پر وزیراعظم کریں گے جبکہ ایم نائن اور لیاری ایکسپریس وے کا مرمتی کام مستقل بنیادوں پر جاری رہے گا۔
انہیں مزید بتایا گیا کہ کراچی حیدرآباد موٹروے ایم نائن کے گیٹ 8 سے بڑھاکر 12 کردیے گئے ہیں۔