پی ایس او کے ایم ڈی اور سی ای او شیخ عمران الحق نے آج جدید ترین برانڈ کی ٹینک لاری کا افتتاح کیا جس کو ملک میں پیٹرولیم مصنوعات کی محفوظ ترسیل کو یقینی بنانے کیلئے استعمال کیا جائے گا۔
نئی بنائی جائے والی پی ایس او ٹینک لاری آئل اینڈ گیس ریگولیٹری اتھارٹی اور نیشنل ہائی وے اتھارٹی کے مقررکردہ معیارکے عین مطابق ہے۔اس نئی متعارف ہونے والی ٹینک لاری کو عوام کی اور سڑک کے انفر ااسٹرکچر کی سیکورٹی کو یقینی بنانے کیلئے ڈیزائن کیا گیا ہے۔
پی ایس او کے ایم ڈی اور سی ای او شیخ عمران الحق نے افتتاحی تقریب میں حاٖضرین سے خطاب کرتے ہوئے کہا کہ پی او ایل پروڈکٹس کی ترسیل میں سب سے زیادہ سڑکوں کا استعمال ہوتا ہے۔
سڑکوں پر اس قدر بھاری مقدار میں ترسیل انتہائی محفوظ ٹینک لاری کی متقاضی ہے جو نہ صرف ریگولیٹری کی شرائط کو پورا کرتی ہو بلکہ پروڈکٹس کے ساتھ ساتھ عوام اور سڑکوں کے انفرااسٹرکچر کیلئے بھی محفوظ ہو۔