انسانی حقوق کی خلاف ورزی پر مقبوضہ کشمیر میں مکمل شٹر ڈاؤن

مقبوضہ کشمیرمیں بھارتی فوج کی جانب سے انسانی حقوق کی خلاف ورزی پر مکمل شٹر ڈاؤن ہڑتال جاری ہے۔

کشمیر میڈیا سروس کے مطابق شٹر ڈاون کے باعث سڑکیں ویران پڑی ہیں اور وادی میں ہر طرح کا کاروبار بند ہے، جبکہ سرینگرکی سڑکوں پرقابض بھارتی فوج کا گشت جاری ہے۔

کٹھ پتلی انتظامیہ نے سرینگر میں مظاہروں پرپابندی لگادی ہے اور مظاہروں میں شرکت سے روکنے کے لئے سید علی گیلانی، میر واعظ، سمیت حریت رہنما نظر بند اور گرفتار کرلیا ہے۔

واضح رہے کہ مقبوضہ وادی میں ٹرین سروس بھی معطل ہے۔