جمشید چیمہ و اہلیہ کی اپیل خارج کرنے کا تفصیلی فیصلہ جاری

این اے 133 کے ضمنی الیکشن کے معاملے پر پاکستان تحریکِ انصاف (پی ٹی آئی) کے امیدوار جمشید اقبال چیمہ اور مسرت جمشید اقبال چیمہ کی اپیل خارج کرنے کے حوالے سے الیکشن ٹریبونل نے تفصیلی فیصلہ جاری کر دیا۔

جسٹس شاہد جمیل خان نے بطور الیکشن ٹریبونل 12 صفحات پر مشتمل تفصیلی فیصلہ جاری کر دیا۔

پی ٹی آئی کے امید وار جمشید اقبال چیمہ اور ان کی اہلیہ مسرت جمشید اقبال چیمہ نے کاغذات مسترد ہونے کے خلاف اپیل کی تھی۔

ایپلیٹ ٹربیونل، جمشید چیمہ و اہلیہ کی اپیلیں مسترد

این اے 133 میں ضمنی انتخاب کے معاملے پر لاہور ہائی کورٹ کے ایپلیٹ ٹربیونل نے پی ٹی آئی کے امید وار جمشید اقبال چیمہ اور ان کی اہلیہ مسرت جمشید چیمہ کی اپیلیں مسترد کر دیں۔

لاہور ہائی کورٹ کے الیکشن ایپلٹ ٹربیونل نے اپیلیں خارج کرنے کے تفصیلی فیصلے میں کہا ہے کہ ٹربیونل سپریم کورٹ کے طے شدہ اصولوں کی تشریح نہیں کر سکتا۔

تفصیلی فیصلے میں الیکشن ایپلٹ ٹربیونل کی جانب سے کہا گیا ہے کہ اپیل کنندگان کے وکیل کے مطابق تجویز کنندہ کا تعلق حلقہ این اے 133 سے ہی ہے۔

الیکشن ایپلٹ ٹربیونل نے تفصیلی فیصلے میں کہا ہے کہ اپیل کنندہ کے وکیل کے مطابق ووٹر لسٹ حاصل کرنے کے بعد کاغذاتِ نامزدگی مکمل کیئے گئے۔

جمشید چیمہ کے کاغذاتِ نامزدگی مسترد، ایپلٹ ٹربیونل سے رجوع

پاکستان تحریکِ انصاف (پی ٹی آئی) کے امید وار جمشید اقبال چیمہ نے کاغذاتِ نامزدگی مسترد کرنے کے معاملے پر لاہور ہائی کورٹ کے ایپلٹ ٹربیونل سے رجوع کر لیا۔

تفصیلی فیصلے میں مزید کہا گیا ہے کہ الیکشن کمیشن کے وکیل کے مطابق کاغذاتِ نامزدگی میں قانونی تقاضے مکمل نہیں کیئے گئے۔

الیکشن ایپلٹ ٹربیونل نے اپنے تفصیلی فیصلے میں یہ بھی کہا ہے کہ الیکشن ایکٹ 2017ء کے تحت ٹربیونل کے اختیارات محدود ہیں، جمشید اقبال چیمہ اور مسرت جمشید اقبال چیمہ کی اپیل خارج کی جاتی ہے۔