شعیب ملک نے اپنی کامیابی قومی سکواڈ کے نام کردی

آل راؤنڈر شعیب ملک نے گزشتہ روز ہونے والے میچ میں اپنی شاندار کامیابی کو پاکستانی اسکواڈ کے تمام ٹیم ممبران کے نام کردیا ہے۔

شعیب ملک نے فوٹواینڈ ویڈیو شیئرنگ ایپ انسٹاگرام پر پاکستان اور اسکاٹ لینڈ کے درمیان گزشتہ روز ہونے والے میچ میں جیت کے بعد کے یاد گار لمحے کی ایک تصویر شیئر کی ہے۔

انہوں نے اپنی پوسٹ کے کیپشن میں لکھا کہ’ انہوں نے آج کے میچ میں انہیں ملنے والا مین آف دی میچ کا اعزاز  پاکستانی اسکواڈ کے تمام ٹیم ممبران کے نام کردیا ہے۔

انہوں نے قومی ٹیم کے تمام کھلاڑیوں کو مخاطب کرتے ہوئے لکھا کہ ’ انشاء اللہ! ہم جیت سکتے ہیں۔‘

شعیب ملک نے پاکستان کی طرف سے تیز ترین نصف سنچری کا ریکارڈ بنادیا

شارجہ کرکٹ گراؤنڈ میں اسکاٹ لینڈ کے خلاف شعیب ملک نے صرف 18 گیندوں پر اپنی یہ نصف سنچری مکمل کی۔

واضح رہے کہ کرکٹر شعیب ملک کو پاکستان کی طرف سے ٹی ٹوئنٹی کرکٹ میں تیز ترین نصف سنچری کا ریکارڈ بنانے پر گزشتہ روز ہونے والے میچ میں ’ مین آف دی میچ ‘ قراردیا گیا ہے۔