گرین لائن پروجیکٹ شروع ہوا تو اس کا BRT سے برا حال ہو گا: اویس قادر شاہ

وزیرِ ٹرانسپورٹ سندھ اویس قادر شاہ کا کہنا ہے کہ اس حالت میں گرین لائن کا پروجیکٹ شروع کریں گے تو اس کا پشاور بی آر ٹی سے بھی برا حال ہو گا۔

یہ بات وزیرِ ٹرانسپورٹ سندھ اویس قادر شاہ نے سندھ اسمبلی کے اجلاس میں وقفۂ سوالات کے دوران کہی۔

گرین لائن منصوبے کی مزید 40 بسیں آج کراچی پہنچیں گی

کراچی کے گرین لائن بس منصوبے کے لیےمزید 40 بسیں آج کراچی پہنچیں گی۔

انہوں نے وفاقی حکومت کو ہدفِ تنقید بناتے ہوئے کہا کہ یہ تو ان سے پوچھیں کہ یہ پٹرول کی قیمتیں کیوں بڑھا رہے ہیں۔

وزیرِ ٹرانسپورٹ سندھ نے مزید کہا کہ اگلے ہفتے وزیرِ اعلیٰ سندھ مراد علی شاہ اورنج لائن پروجیکٹ کے انفرا اسٹرکچر کا افتتاح کریں گے۔

گرین لائن بسوں سے لدا جہاز کراچی پہنچ گیا

کراچی کے گرین لائن بس منصوبے کے لیے بسوں سے لدا جہاز پاکستان پہنچ گیا ہے۔

اویس قادر شاہ کا یہ بھی کہنا ہے کہ گرین لائن بس پروجیکٹ پر سیاست نہ کریں، گرین لائن کا یہ پروجیکٹ پرانا ہے۔