فنڈنگ میں تاخیر اور فوری حکومتی سرمایہ کاری کے بغیر لندن کی بس، ٹیوب سروسز متاثر ہوسکتی ہیں، صادق خان کا انتباہ

راچڈیل(جنگ نیوز )میئر لندن صادق خان نے متنبہ کیا ہے کہ 1.9 بلین پائونڈ کی فنڈنگ گیپ اور فوری حکومتی سرمایہ کاری کے بغیر لندن کی بس اور ٹیوب سروسز بری طرح متاثر ہو سکتی ہیں بس سروسز میں پانچ اور ٹیوب سروسز میں تقریباً 10 فیصد تک کمی لائی جا سکتی ہے بشرطیکہ حکومت فنڈز کے انجیکشن کے ساتھ قدم نہ اٹھائے، یہ سٹی ہال کی فنانس کمیٹی کی رپورٹ کے بعد سامنے آیا ہے جس میں کوویڈ19 وبائی امراض سے ٹرانسپورٹ نیٹ ورک پر توقع سے زیادہ خراب اثرات کی تفصیل دی گئی ہے اور ٹرانسپورٹ فار لندن کے ہنگامی فنڈنگ ڈیل کے ساتھ اگلے ماہ اختتام پذیر ہو رہا ہے۔ صادق خان نے ایک بیان میں کہا کہ ٹرانسپورٹ فار لندن وبائی امراض کی وجہ سے پیدا ہونے والے غیر معمولی مالی بحران سے نمٹ رہا ہے، ہم ٹرانسپورٹ فار لندن کی ہنگامی فنڈنگ ڈیل سے ایک ماہ سے بھی کم دوری پر ہیں جس کی میعاد 11 دسمبر کو ختم ہو رہی ہے، جب تک حکومت ہمارے پبلک ٹرانسپورٹ نیٹ ورک کو برقرار رکھنے کے لیے درکار طویل المدتی فنڈنگ فراہم نہیں کرتی اس وقت تک خدمات میں نمایاں کٹوتیوں کے علاوہ کوئی چارہ نہیں ہوگا، جس طرح مانگ دوبارہ بڑھ رہی ہے اس کا مطلب یہ ہو گا کہ لندن والوں کے لیے سفری مشکلات بڑھ جائیں گی، اس کا مطلب یہ بھی ہوگا کہ ٹرانسپورٹ کے اہم انفراسٹرکچر کو برقرار رکھنے کے لیے فنڈز کی کمی کی وجہ سے سڑکوں اور سرنگوں کی مزید بندش کا سامنا بھی کرنا پڑ سکتا ہے۔ ان تمام تبدیلیوں کی وجہ سے وسیع پیمانے پر خلل اور گرڈ لاک نہ صرف لاکھوں لندن والوں کو ٹی ایف ایل کے مالیات پر وبائی امراض کے اثرات کے لیے غیر منصفانہ ردعمل دیگابلکہ قومی اقتصادی بحالی کو خطرے میں ڈال دے گا۔میئر لندن نے کہا جب انہوں نے ملک بھر میں حکومت کی ٹرانسپورٹ کی سرمایہ کاری کی حمایت کی ہے تو اسے ʼلندن کو برابر کرنے کی قیمت پر نہیں آنا چاہیے دارالحکومت میں مناسب طریقے سے فنڈڈ پبلک ٹرانسپورٹ نیٹ ورک کے بغیر لندن کی بحالی نہیں ہو سکتی اور لندن کی بحالی کے بغیر کوئی قومی بحالی ممکن نہیں ہے ہمارا شہر ہر سال ٹریژری میں 36.1 بلین نیٹ کا حصہ ڈالتا ہے، ٹرانسپورٹ فار لندن معاہدے برطانیہ کی معیشت میں تقریباً 7 بلین پائونڈز کا حصہ ڈالتے ہیں اور اس کی سپلائی چین ملک بھر میں43ہزار ملازمتوں کو سہارا دیتی ہے اگر حکومت لندن کے ٹرانسپورٹ نیٹ ورک کی حفاظت کے لیے ہمارے ساتھ کام کرنے میں ناکام رہی تو دارالحکومت اور پورا ملک آنے والی دہائیوں تک اس کی قیمت ادا کریگا۔