فرمان الہی
نماز کے اوقات
ممبئی (مانیٹرنگ ڈیسک)بولی وڈ باربی ڈول کترینہ کیف کی شادی کی رسومات کی تصاویر اور ویڈیوز فروخت نہ ہوسکیں جس کی وجہ سے انہوں نے ان یادگار ویڈیوز اور تصویری لمحات کو خود ہی شیئر کرنا شروع کردیا ہے۔ شادی سے قبل دو ماہ سے بھارتی میڈیا ان کی شادی کی خبریں دیتا آ رہا تھا مگر کترینہ کیف اور وکی کوشل نے تمام افواہوں پر ایک لفظ بھی نہیں بولا تھا۔خبریں تھیں کہ کترینہ کیف اور وکی کوشل نے شادی کے نشریاتی حقوق یعنی شادی کی تصاویر اور ویڈیوز کو اسٹریمنگ ویب سائٹ ’ایمازون پرائم‘ کو 80کروڑ روپے میں فروخت کردیا ہے، جس کی وجہ سے وہ اپنی شادی سے متعلق کوئی بیان نہیں دے رہے۔تاہم اب شادی ہوجانے کے بعد خود ہی دونوں شادی کی رسومات کی ویڈیوز اور تصاویر شیئر کرتے دکھائی دے رہے ہیں۔خبریں ہیں کہ کترینہ کیف اس وقت خود ہی اپنی شادی کی تصاویر سوشل میڈیا پر مفت میں شیئر کرنے پر مجبور ہوئیں جب کہ ان سے اسٹریمنگ ویب سائٹ نے تصاویر و ویڈیوز خریدنے سے انکار کیا۔بھارتی شوبز ویب سائٹ ’فرسٹ پوسٹ‘ کے مطابق ایمازون پرائم کے ذرائع نے بتایا کہ اسٹریمنگ ویب سائٹ نے جوڑے سے شادی کی نشریاتی حقوق خریدنے سے انکار کیا۔ رپورٹ میں ایمازون ذرائع کے حوالے سے دعویٰ کیا گیا کہ دونوں کی شادی کی ویڈیوز و تصاویر لیک ہونے کے بعد اسٹریمنگ ویب سائٹ نے نشریاتی حقوق خریدنے سے معذرت کی۔ویب سائٹ کی جانب سے شادی کی تصاویر و ویڈیوز نہ خریدے جانے کے بعد ہی کترینہ کیف اور وکی کوشل نے اپنی تصاویر شیئر کیں۔دونوں نے9دسمبر کو ہندو رسومات کے تحت شادی کرنے سے قبل6دسمبر کو اسپیشل میرج ایکٹ انڈیا1954کے تحت بھی کورٹ میرج کی تھی جو کہ دو مختلف مذاہب کے افراد کی شادی کو قانونی حیثیت فراہم کرتا ہے۔
