مغربی ہواؤں کا سسٹم بلوچستان کےشمال مغرب میں داخل

محکمہ موسمیات نے اعلان کیا ہےکہ مغربی ہواؤں کا سسٹم بلوچستان کے شمال مغرب میں داخل ہوگیا ہے۔

محکمہ موسمیات کے مطابق بلوچستان کے مختلف علاقوں میں گہرے بادل چھاگئےاور یخ بستہ ہوائیں چل رہی ہیں۔

اعلامیے کے مطابق مغربی ہواؤں کے سسٹم کے داخلے کے بعد پاک ایران اور پاک افغان سرحدی علاقوں میں ہلکی بارش ہورہی ہے۔

محکمہ موسمیات کے مطابق مسلم باغ، کان مہترزئی، توبہ اچکزئی میں بھی بارش ہوئی ہے جبکہ آج رات سے شمالی بلوچستان میں بارش اور پہاڑوں پر برف باری کاامکان ہے۔