صبا فیصل کی اپنے چہرے پر مونچھیں بنانے کی ویڈیو

20 مارچ ، 2022

پاکستانی ٹی وی ڈراموں کی سنیئر اداکارہ صبا فیصل نے اپنے چہرے پر مونچھیں بنانے کی دلچسپ ویڈیو شیئر کردی۔

64 سالہ اداکارہ صبا فیصل نے اپنے انسٹاگرام پر ٹک ٹاک کی نئی ویڈیو شیئر کی، جس میں وہ ساتھی اداکار سمیع خان کے ساتھ تفریح کرتی نظر آرہی ہیں۔

فوٹوز اینڈ ویڈیوز شیئرنگ ایپ انسٹاگرام پر صبا فیصل کی شیئر کی گئی ویڈیو میں دیکھا جاسکتا ہے کہ وہ اپنے بالوں کو ہونٹوں کے اوپر رکھ کر مونچھیں بناتی نظر آرہی ہیں۔

ویڈیو میں مزید دیکھا جاسکتا ہے کہ تھوڑی دیر بعد وہ اپنے ساتھی اداکار سمیع خان کے ساتھ بھی یہی عمل دہراتی نظر آرہی ہیں۔

صبا فیصل نے اپنی پوسٹ میں لکھا کہ ’سیٹ پر ڈرامے میں بیٹے کا کردار نبھانے والے اداکار سمیع خان کے ساتھ موج مستی‘، جبکہ اپنی ویڈیو میں وہ بہت خوش بھی نظر آرہی ہیں۔

سوشل میڈیا پر صارفین کی جانب سے ان کی ویڈیو کو خوب پسند کیا جارہا ہے، جبکہ چند گھنٹوں میں 80 ہزار سے زیادہ مرتبہ اس ویڈیو کو دیکھا جاچکا ہے۔

انٹرٹینمنٹ سے مزید