نمرہ بازیاب کرالی، دُعا کیلئے وقت لیا ہے، آئی جی سندھ

آئی جی سندھ کامران فضل کا کہنا ہے کہ بچی نمرہ کاظمی کو بازیاب کرالیا ہے، دوسری بچی دُعا زہرہ کو بازیاب کرانے کے لیے وقت لیا ہے۔

سندھ ہائیکورٹ میں دُعا زہرہ اور نمرہ کاظمی کی بازیابی سے متعلق کیس کی سماعت کے بعد آئی جی سندھ کامران فضل نے میڈیا سے غیر رسمی گفتگو کی۔

نمرہ کا میڈیکل ٹیسٹ کرانے اور شیلٹر ہوم بھیجنے کا حکم

سندھ ہائیکورٹ نے نمرہ کاظمی کی عمر کے تعین کے لیے میڈیکل ٹیسٹ کرانے کا حکم دیتے ہوئے اُسے شیلٹر ہوم بھیجنے کا حکم دیدیا۔

آئی جی سندھ کامران فضل نے بتایا کہ ہم اپنی کوششیں مزید بڑھائیں گے۔

ایک سوال کے جواب میں انہوں نے کہا کہ انویسٹی گیشن کے معاملات نہ پوچھیں، چھاپے مارے ہیں۔

آئی جی سندھ نے بتایا کہ تین چار صوبوں میں چھاپے مارے ہیں۔

واضح رہے کہ سندھ ہائیکورٹ میں آج بھی دُعا زہرہ کو پیش نہ کیا جاسکا، ایڈووکیٹ جنرل سندھ نے بتایا کہ دعا ہزارہ یا مانسہرہ میں ہیں جس پر عدالت نے آئی جی سندھ کو شوکاز جاری کر دیا۔

دُعا زہرہ کو عدالت میں پیش نہ کیا جا سکا، IG کو شوکاز جاری

سندھ ہائیکورٹ میں آج بھی دُعا زہرہ کو پیش نہ کیا جاسکا، ایڈووکیٹ جنرل سندھ نے بتایا کہ دعا ہزارہ یا مانسہرہ میں ہیں، عدالت نے ریمارکس دیئے آئی جی سندھ کو شوکاز جاری کر رہے ہیں۔

جسٹس اقبال کلہوڑو نے کہا کہ کچھ دیر بعد حکم نامہ جاری کریں گے، جمعے تک سماعت ملتوی کر رہے ہیں، بچی کو بازیاب کرالیں گے تو آئی جی سندھ کو جاری شوکاز واپس لے لیں گے۔