فرمان الہی
نماز کے اوقات
خیبرپختونخوا اسمبلی اجلاس میں بچوں سے زیادتی کے واقعات سے متعلق سوال پر بڑا انکشاف سامنے آیا ہے۔
ڈپٹی اسپیکر محمود جان کی زیر صدارت خیبر پختونخوا اسمبلی کا اجلاس ہوا، جماعت اسلامی کے رکن عنایت اللّٰہ نے بچوں سے زیادتی کے واقعات کی تفصیل کے بارے میں استفسار کیا۔
محکمہ داخلہ کی دستاویز میں بتایا گیا کہ گزشتہ 3 سال میں 541 بچوں کو زیادتی کا نشانہ بنایا گیا، ان واقعات میں 13 بچے قتل بھی کیے گئے۔
دستاویز کے مطابق بچوں کے ساتھ زیادتی کے واقعات میں 202 ملزمان کو گرفتار کیا گیا، جن میں سے 13 کو سزائیں ہوئیں جبکہ 18 عدالتوں سے بری ہوگئے۔
محکمہ داخلہ کی دستاویز میں مزید بتایا گیا کہ بچوں کے ساتھ زیادہ واقعات 120 صوبائی دارالحکومت پشاور میں رپورٹ ہوئے۔
