پاکستان نے بھارتی کرکٹ بورڈ کے سیکریٹری کے بیان کی مذمت کردی

پاکستان کرکٹ بورڈ (پی سی بی) نے ایشین کرکٹ کونسل کو خط لکھ کر بھارتی کرکٹ بورڈ کے سیکریٹری جے شاہ کے بیان کی مذمت کی ہے۔

ذرائع کے مطابق خط ایشیا کپ کے لیے بھارتی ٹیم پاکستان نہ بھیجے جانے کے بیان پر لکھا گیا۔

بھارتی ٹیم ایشیا کپ کے لیے پاکستان نہیں جائے گی، صدر ایشین کرکٹ کونسل جے شاہ

بھارتی کرکٹ بورڈ کے سیکریٹری اور ایشین کرکٹ کونسل کے صدر جے شاہ نے کہا ہے کہ بھارتی ٹیم ایشیا کپ کے لیے پاکستان نہیں جائے گی۔

ذرائع کا کہنا ہے کہ پاکستان کرکٹ بورڈ نے خط میں سیکریٹری جے شاہ کے بیان کی مذمت کی ہے اور اے سی سی کا ہنگامی اجلاس بلانے کا بھی مطالبہ کیا ہے۔

یاد رہے کہ گزشتہ روز جے شاہ نے ایشیا کپ نیوٹرل وینیو پر کھیلنے کا بیان دیا تھا۔