عمران خان غیرملکی چینلز پر ملک کی ایجنسیوں پر الزام لگا رہے ہیں، مصطفیٰ کمال

19 نومبر ، 2022

چیئرمین پی ایس پی مصطفیٰ کمال نے عمران خان پر تنقید کرتے ہوئے کہا کہ عمران خان غیر ملکی چینلز پر بیٹھ کر ملک کی ایجنسیوں پر الزام لگا رہے ہیں،

کراچی میں پریس کانفرنس کرتے ہوئے مصطفیٰ کمال نے انہوں نے اپنے قتل کی سازش کا الزام ملک کے اہم لوگوں پر لگایا، اس سے دنیا بھر میں پاکستان کی جگ ہنسائی ہو رہی ہے۔

انہوں نے کہا کہ دنیا بھر کی ایجنسیاں عمران خان کو مارنے کے درپے ہیں تاکہ نام ان لوگوں پر آئے جن پر عمران خان الزام لگارہے ہیں۔

چیئرمین پی ایس پی کا کہنا ہے کہ حق اور سچ کو وقت پر بول دینا چاہیے، عمران خان ہر وقت جھوٹ بولتے رہے، کہا آئی ایم ایف کے پاس نہیں جائیں گے اور گئے، انہوں نے کہا 90 روز میں کرپشن ختم کر دیں گے، نہیں کی، جھوٹ بولا۔

مصطفیٰ کمال نے کہا کہ عمران خان آپ آج بھی جھوٹ بول رہے ہیں، آپ نے 50 لاکھ گھر اور ایک کروڑ نوکریاں دینے کا دعویٰ کیا تھا، وہ آج بھی اداروں پر بہتان لگا رہے ہیں، آپ نے کہا تھا وزیر اعظم اور گورنر ہاؤس کو یونیورسٹی بنادیں گے، نہیں بنایا، آپ سے بڑا کوئی اور آپ کا دشمن نہیں۔

ان کا کہنا ہے کہ پی ٹی آئی میں چاہے چور ہو یا کچھ بھی ہو مگر وہ سچا ہے، 50 روپے کے اسٹیمپ پیپر پر یہ ملک آپ کو لکھ کر دے دینا چاہیے، پی پی کو آپ چور کہتے ہیں اور سینیٹ الیکشن میں اسی سے ووٹ لیتے ہیں، عمران خان آپ نے اپنی حکومت میں سب کو بند کر دیا، سب کو جیلوں میں ڈالا۔

انہوں نے کہا کہ کے پی میں دس سال سے آپ کی حکومت ہے، کیا لوگوں کو انصاف دیا؟ عمران خان کہتے ہیں کہ جیلوں میں قیدیوں کا کوئی پرسان حال نہیں، آپ چاہتے ہیں کہ جب آپ بولیں تو لوگ آپ کا پرانا بیان بھول جائیں۔

مصطفیٰ کمال کا یہ بھی کہنا ہے کہ عمران خان کہتے رہے کہ ان کی حکومت امریکا نے ختم کی، وہ سمجھتے ہیں کہ وہ بہت پاپولر ہیں، سن لیں!پاپولر فرعون، یزید بھی تھا، آپ پہلے بھی ناکام ہوئے اب بھی ناکام ہو رہے ہیں، پاکستانی کے طور پر ایسا لگ رہا ہے کہ میں نے یہ گھڑی چوری کر لی، توشہ خانہ کے معاملے پر شاہی خاندانوں میں بحث ہو رہی ہے، کاش گھڑی چوری کا واقعہ پیش نہیں آتا۔

قومی خبریں سے مزید