تسنیم حیدر کے الزامات سنجیدہ نوعیت کے ہیں، تحقیقات ضروری ہیں، ذلفی بخاری

پاکستان تحریک انصاف (پی ٹی آئی) کے رہنما ذلفی بخاری کا تسنیم حیدر سے متعلق کہنا ہے کہ برطانیہ میں جھوٹا الزام لگا کر بچنا ناممکن ہے، الزامات سنجیدہ نوعیت کے ہیں، تحقیقات ضروری ہیں۔

نواز شریف پر قتل کا پلان بنانے کا الزام لگانے والا تسنیم حیدر کون ہے؟

ذرائع پنجاب پولیس کا کہنا ہے کہ تسنیم حیدر شاہ قتل کیس کی تفتیش کے دوران ملزم نامزد ہوا۔

اپنے بیان میں ذلفی بخاری نے کہا کہ اگر تسنیم حیدر کے الزامات جھوٹے ہیں تو برطانوی عدالت سے رجوع کرلیں، اہم بات یہ ہے الزام لگانے والا برطانیہ میں یہ بات کر رہا ہے۔

ذلفی بخاری نے مزید کہا کہ سمندر پار پاکستانیوں نے ہمیشہ مجھے عزت سے نوازا ہے، تقریب میں 1500 سے زیادہ افراد تھے، میں اس آدمی کو نہیں جانتا۔

پی ٹی آئی رہنما نے کہا کہ تصویر سے ظاہر ہے کہ میں ابھی ابھی ان سے متعارف ہوا تھا۔

انہوں نے کہا کہ میں اس طرح کی گٹر کی سیاست کر کے اپنے آپ کو نہیں گراؤں گا۔