کراچی: بیوی اور 3 بیٹیوں کے قتل کا مقدمہ درج

02 دسمبر ، 2022

کراچی کے علاقے ملیر کی شمسی سوسائٹی میں پولیس نے شوہر کے بیوی اور 3 بیٹیوں کو قتل کرنے کا مقدمہ بالآخر کئی روز بعد الفلاح تھانے میں درج کر لیا۔

پولیس کے مطابق مقدمہ سرکار کی مدعیت میں درج کیا گیا ہے جس میں قتل اور خودکشی کی کوشش کی دفعات شامل کی گئی ہیں۔

ملزم فواد کو بھی پولیس نے گرفتار کر لیا ہے جو اسپتال میں زیرِ علاج ہے۔

ملزم نے بیوی اور 3 بیٹیوں کے قتل کا اعتراف کرتے ہوئے پولیس کو بیان دیا تھا کہ بہت سے لوگوں سے قرض لے رکھا تھا۔

بیان میں ملزم فواد نے کہا تھا کہ بیوی کے روز روز کے جھگڑوں سے بھی تنگ تھا، اسے سمجھاتے سمجھاتے تھک گیا تو سوچا سب کو مار کر خود کو ختم کر لوں۔

ملزم فواد نے یہ بھی بتایا ہے کہ بیوی واش روم گئی تو پیچھے سے بیٹیوں کو جان سے مار دیا، پھر بیوی کو قتل کر کے ان انویسٹرز کو تصویریں بھیج دیں جنہیں پیسے واپس کرنے تھے۔

قومی خبریں سے مزید