اسلام آباد میں ٹارگٹڈ آپریشن ابھی تک جاری ہے: بابر اعوان

پاکستان تحریکِ انصاف (پی ٹی آئی) کے رہنما بابر اعوان کا کہنا ہے کہ اسلام آباد میں ایک ٹارگٹڈ آپریشن شروع ہوا جو ابھی تک جاری ہے۔

رہنما پی ٹی آئی بابر اعوان نے میڈیا سے گفتگو کرتے ہوئے کہا کہ اسلام آباد میں تشویش ناک صورتِ حال پیدا کی گئی ہے۔

ان کا کہنا ہے کہ امن و امان کی صورتِ حال بگڑ چکی ہے، دفاع کے وزیر مضحکہ خیز بیانات دیتے ہیں۔

بابر اعوان نے کہا کہ امریکا کے افغانستان سے جانے کے بعد عمران خان نے افغانیوں کے دل جیتے، اس وقت مغربی بارڈرز پر نقصان اٹھانا پڑ رہا ہے۔

23 دسمبر کو 27 کلومیٹر کی حکومت گر جائیگی: بابر اعوان

پاکستان تحریک انصاف کے رہنما بابر اعوان کا کہنا ہے کہ 23 دسمبر کو اسمبلیاں توڑیں گے، جس سے 27 کلو میٹر کی حکومت گر جائے گی۔

ان کا مزید کہنا ہے کہ حکومت ایک طرف لگی ہے کہ کیسے عمران کو نکالیں اور دونوں اسمبلیاں نہ ٹوٹیں، حکمرانوں کو اب عوام کا خوف ہے۔

پاکستان تحریکِ انصاف (پی ٹی آئی) کے رہنما بابر اعوان کا یہ بھی کہنا ہے کہ ماضی میں حکومت توڑنے پر پٹاخے بجائے جاتے تھے۔