• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

روسی فورسز کی یوکرین کے مشرقی حصے میں پیش قدمی، بمباری

تازہ ترین
بین الاقوامی خبریں
02 فروری ، 2023
—فائل فوٹو
—فائل فوٹو

روسی فورسز نے یوکرین کے مشرقی حصے میں پیش قدمی کرتے ہوئے کچھ علاقوں میں بمباری کی ہے۔

یوکرینی افواج کے مطابق یوکرین کے شہر باخمت اور اس کے قریبی 10 قصبوں میں روسی فورسز نے بمباری کی۔

اس حوالے سے یوکرینی افواج کا کہنا ہے کہ ایودیو، قریبی قصبہ میرینکا اور کچھ پڑوسی علاقوں کو بھی نشانہ بنایا گیا ہے۔

حکام کے مطابق شہر کراماتوسک میں روسی میزائل حملے سے رہائشی عمارت تباہ ہو گئی جبکہ دیگر 7 عمارتوں کو نقصان پہنچا۔

اس حملے سے متعلق حکام کا کہنا ہے کہ ان میزائل حملوں میں 3 افراد ہلاک اور 20 افراد زخمی ہوئے۔

اس حوالے سے یوکرین کے صدر ولودومیر زیلنسکی نے کہا ہے کہ مشرقی حصے میں مخالفین کی جارحانہ کارروائیوں میں اضافہ دیکھا گیا ہے۔

روس یوکرین جنگ کا خاتمہ چاہتا ہے، پیوٹن

روسی صدر پیوٹن کا کہنا ہے کہ روس یوکرین جنگ کا خاتمہ چاہتا ہے، تمام تنازعات سفارت کاری سے ختم ہوتے ہیں۔

یوکرینی صدر کا کہنا ہے کہ یوکرین کے مشرقی حصے میں صورتِ حال مزید سخت ہوگئی ہے۔

دوسری جانب غیرملکی خبر ایجنسی کا کہنا ہے کہ یوکرینی افواج نے 24 گھنٹوں کے دوران کئی علاقوں میں روسی فوج کی پیش قدمی روکنے کا دعویٰ کیا ہے۔

بین الاقوامی خبریں سے مزید