ایچ بی ایل پی ایس ایل سیزن 8 کے افتتاحی میچ میں سنسنی خیز مقابلے کے بعد دفاعی چیمپئن لاہور قلندرز نے ملتان سلطانز کو ایک رن سے شکست دے دی۔

ملتان سلطانز 176 رنز کے ہدف کے تعاقب میں مقررہ 20 اوورز میں 6 وکٹ پر 174 رنز بناسکی۔ یوں میچ صرف 1 رن سے لاہور قلندرز کے نام رہا۔

افتخار کے 6 چھکوں کو سب ہی نے انجوائے کیا، بابر اعظم

ایچ بی ایل پی ایس ایل فرنچائز پشاور زلمی کے کپتان بابر اعظم نے کہا ہے کہ افتخار کے 6 چھکوں کو سب ہی نے انجوائے کیا۔

ملتان سلطانز کی پہلی وکٹ پر 12 اعشاریہ 2 اوورز میں 100 رنز کی شراکت قائم کی اور میچ کو تقریباً یکطرفہ کردیا تاہم لاہور قلندرز کے بولرز نے ہمت نہ ہاری۔

شان مسعود 100 کے مجموعے پر 35 رنز بناکر پویلین لوٹ گئے، 131 کے اسکور پر لاہور قلندرز کو بڑی وکٹ مل گئی، 50 گیندوں پر 75 رنز بناکر محمد رضوان میدان چھوڑ گئے۔

19ویں اوور کی پہلی گیند پر ڈیوڈ ملر 25 رنز بناکر حارث رؤف کی گیند پر بولڈ ہوئے تو میچ ملتان سلطانز کے ہاتھوں سے پھسلنا شروع ہوگیا۔

آخری اوور کی دوسری گیند پر کیرون پولارڈ 20 رنز بناکر رن آؤٹ ہوئے تو لاہور قلندرز کی جیت کی امیدیں روشن ہوگئیں، اگلی ہی گیند پر عثمان خان بغیر کوئی رن  بنائے پویلین لوٹ گئے۔

فوکس صرف پی ایس ایل پر ہے، آگے کا نہیں سوچ رہا، عماد وسیم

ایل بی ایل پی ایس ایل 8 کی فرنچائز کراچی کنگز کے کپتان عماد وسیم نے کہا ہے کہ فی الحال فوکس صرف پی ایس ایل پر ہے، آگے کا نہیں سوچ رہا۔

آخری 2 گیندوں پر ملتان سلطانز کو جیت کے لیے 10 درکار تھے، لیکن خوشدل شاہ ان دونوں گیندوں پر صرف باؤنڈری ہی لگاسکے اور یوں میزبان ٹیم صرف 1 رنز شکست کھا گئی۔

لاہور قلندرز کے شاہین آفریدی، حسین طلعت، زمان خان اور حارث رؤف نے ایک ایک کھلاڑی کو آؤٹ کیا۔

اس سے قبل دفاعی چیمپئن لاہور قلندرز نے ملتان سلطانز کو 176 رنز کا ہدف دیا تھا۔ لاہور قلندرز نے مقررہ 20 اوورز میں 6 وکٹ پر 175 رنز بنائے۔

لاہور قلندرز کی اوپننگ جوڑی پہلے ہی میچ میں چل گئی۔ فخر زمان اور مرزا طاہر بیگ کی صورت میں اولین بلے بازوں نے 61 رنز کی شراکت قائم کی۔

شکیب الحسن کی پشاور زلمی کے اسکواڈ میں شمولیت

ایچ بی ایل پی ایس ایل 8 کی فرنچائز پشاور زلمی کے اسکواڈ میں بنگلادیش کے آل راونڈر شکیب الحسن شامل ہوگئے ہیں۔

طاہر بیگ 26 گیندوں پر 32 رنز کی اننگز کھیل کر پویلین لوٹ گئے۔ انہوں نے اس دوران 5 چوکے لگائے، انہیں اکیل حسین نے پویلین کی راہ دکھائی۔

فخر زمان نے 66 رنز کی باری کے دوران 5 چھکے اور 3 چوکے لگائے۔ انہیں اُسامہ میر نے پویلین بھیجا۔

لاہور قلندرز کی طرف سے شائے ہوپ نے 19 اور طلعت حسین نے 20 رنز بنائے۔ آخری آؤٹ ہونے والے بیٹر ڈیوڈ ویسا تھے جو صرف 5 رنز ہی بناسکے۔

دفاعی چیمپئن کے سکندر رضا نے 14 گیندوں پر 19 رنز کی ناقابل شکست باری کھیلی۔

طاہر بیگ کا اپنا پہلا میچ یادگار بنانے کے عزم کا اظہار

ایچ بی ایل پی ایس ایل 8 میں لاہور قلندرز کی طرف سے ڈیبیو کرنے والے طاہر بیگ نے آج کے میچ یاد گار بنانے کے عزم کا اظہار کیا ہے۔

ملتان سلطانز کی طرف سے احسان اللّٰہ اور اُسامہ میر نے 2، 2 وکٹیں حاصل کیں جبکہ شاہنواز ڈھانی اور اکیل حسین نے لاہور قلندرز کے 1، 1 کھلاڑی کو میدان سے واپسی کی راہ دکھائی۔

مین آف دا میچ:

میچ میں بہترین بیٹنگ پرفارمنس پر  لاہور قلندرز کے فخر زمان کو مین آف دا میچ کا ایوارڈ دیا گیا۔

ٹاس: 

خیال رہے کہ ملتان کرکٹ اسٹیڈیم میں کھیلے گئے اس میچ میں ملتان سطانز نے ٹاس جیت کر پہلے بولنگ کرنے کا فیصلہ کیا تھا۔ 

پلیئنگ الیونز:

ملتان سلطانز کی طرف سے کپتان محمد رضوان، شان مسعود، عثمان خان، ڈیوڈ ملر، کیرون پولارڈ، خوشدل شاہ، اکیل حسین، اُسامہ میر، ثمین گل، شاہنواز ڈھانی اور احسن اللّٰہ میدان میں اترے۔

دوسری طرف شاہین شاہ آفریدی نے اپنی پلیئنگ الیون میں فخر زمان، طاہر بیگ، شائے ہوپ، کامران غلام، حسین طلعت، سکندر رضا، لیام ڈوسن، ڈیوڈ ویسا، حارث رؤف اور زمان خان کو کھیلانے کا فیصلہ کیا تھا۔