شاہین کی بولنگ نے محمد حارث کا سافٹ ویئر اپ ڈیٹ کردیا

ایچ بی ایل پی ایس ایل کی ٹیم لاہور قلندرز کے کپتان شاہین شاہ آفریدی کی بولنگ نے پشاور زلمی کے محمد حارث کا سافٹ ویئر اپ ڈیٹ کر دیا۔

گزشتہ روز قذافی اسٹیڈیم میں کھیلے گئے میچ میں لاہور قلندرز نے پشاور زلمی کو 40 رنز سے شکست دی، جس میں شاہین شاہ آفریدی نے زبردست بولنگ کا مظاہرہ کیا۔

داماد بھی سسر کے نقش قدم پر چل پڑے

شاہین شاہ آفریدی نے کل پشاور زلمی کے خلاف پانچ کھلاڑیوں کو پویلین بھیج کر سسر کی روایت کو زندہ کردیا۔

محمد حارث نے پہلے کہا تھا کہ شاہین آفریدی ورلڈ کلاس بولر ہے لیکن وہ بولر کی پٹائی کرکے دباؤ میں لے آتے ہيں، جس کے بعد میچ کے دوران محمد حارث شاہین شاہ آفریدی کی گیند پر آؤٹ ہوگئے تو وہ شاہین کی تعریف کیے بغیر نہ رہ سکے۔

میچ کے بعد محمد حارث نے کہا کہ شاہین شاہ نے ان کا سافٹ ویئر اپ ڈیٹ کر دیا ہے۔

لاہور نے پشاور زلمی کو جیت کےلیے 242 رنز کا بڑا ہدف دیا تھا، جواب میں پشاور زلمی 9 وکٹوں پر 201 رنز بنا سکی تھی۔